مۇئاۋىن جۇمھۇر رەئىس جەۋدەت يىلماز مۇستەقىل پۇتبول فېدېراتسىيەلىرى بىرلەشمىسى CONIFA ياۋروپا پۇتبول چېمپىيونلۇق مۇسابىقىسىدە چېمپىيون بولغان شىمالىي قىبرىس تۈرك جۇمھۇرىيىتى ئەرلەر دۆلەتلىك پۇتبول كوماندىسىنى تەبرىكلىدى.
مۇئاۋىن جۇمھۇر رەئىس جەۋدەت يىلماز شىمالىي قىبرىس تۈرك جۇمھۇرىيىتىنىڭ چېمپىيونلۇقىغا قارىتا ئۆزىنىڭ ئىجتىمائىي تاراتقۇ ھېسابىدا بىر تەبرىك ئۇچۇرى ھەمبەھىرلىدى.
شىمالىي قىبرىس تۈرك جۇمھۇرىيىتى دۆلەتلىك پۇتبول كوماندىسىنىڭ قولغا كەلتۈرگەن ئۇتۇقى بىلەن غايەت زور ئىپتىخارلىق تۇيغۇسى ھېس قىلغانلىقىنى تەكىتلىگەن يىلماز مۇنداق دېدى:
«مۇسابىقە جەريانىدا كۆرسەتكەن جەڭگىۋارلىقى ۋە غەلىبىسى بىلەن قىبرىس تۈرك خەلقىگە ئەڭ گۈزەل شەكىلدە ۋەكىللىك قىلغان پۇتبولچىلىرىمىزنى، تېخنىكا ھەيئىتىنى، شىمالىي قىبرىس تۈرك جۇمھۇرىيىتى پۇتبول فېدېراتسىيەسىنى ۋە مېھنەت سىڭدۈرگەن بارلىق كىشىلەرنى چىن قەلبىمدىن تەبرىكلەيمەن.»
