خەلقئارا
1 مىنۇت ئوقۇش
ئامېرىكا ب د ت مۇتەخەسسىسى ئالبانېسېغا قارىتىلغان ئېمبارگولارنى قايتىدىن كۈچكە ئىگە قىلدى
ئامېرىكا مالىيە مىنىستىرلىقىنىڭ تور بېتىدىكى ئۇقتۇرۇش، ئالبانېسېنىڭ يەر شارى مىقىياسىدا قارا تىزىملىككە ئېلىنىشىنى كۆزدە تۇتقان ئېمبارگو قارارىنىڭ قايتىدىن كۈچكە ئىگە قىلىنغانلىقىنى كۆرسەتتى.
ئامېرىكا ب د ت مۇتەخەسسىسى ئالبانېسېغا قارىتىلغان ئېمبارگولارنى قايتىدىن كۈچكە ئىگە قىلدى
ئامېرىكا ب د ت مۇتەخەسسىسى ئالبانېسېغا قارىتىلغان ئېمبارگولارنى قايتىدىن كۈچكە ئىگە قىلدى / Reuters

ئامېرىكا بىرلەشكەن دۆلەتلەر تەشكىلاتىنىڭ پەلەستىن تۇپراقلىرى مەسىلىسى مۇتەخەسسىسى شۇندقلا ئىسرائىلىيەنى قاتتىق تەنقىد قىلغان فىرانچېسكا ئالبانېسېغا قارىتىلغان ئېمبارگولارنى قايتىدىن كۈچكە ئىگە قىلدى، ئىلگىرى بۇ قەدەم ۋە قارارلار ئەرزىيەت سوت مەھكىمىسى تەرىپىدىن بىكار قىلىنغان ئىدى.

 مالىيە مىنىستىرلىقىنىڭ تور بېتىدە چارشەنبە كۈنى ئېلان قىلىنغان ئۇقتۇرۇش، ئالبانېسېنىڭ يەر شارى مىقىياسىدا قارا تىزىملىككە ئېلىنىشىنى كۆزدە تۇتقان ئېمبارگو قارارىنىڭ قايتىدىن كۈچكە ئىگە قىلىنغانلىقىنى كۆرسەتتى. بۇ قارار، ئالبانېسېنىڭ ئىناۋەتلىك كارتىلارنى ئىشلىتىشىنى ياكى بانكا مەشغۇلاتلىرىنى ئېلىپ بېرىشىنى تامامەن مۇمكىنسىز ھالغا كەلتۈرۈپ قويىدۇ.

ئالبانېسې تېگى ئىتالىيەلىك بولۇپ، ئىشغالىيەت ئاستىدىكى پەلەستىن تۇپراقلىرى مەسىلىسى بويىچە بىرلەشكەن دۆلەتلەر تەشكىلاتى كىشىلىك ھوقۇق كېڭىشىنىڭ ئالاھىدە دوكلاتچىسى سۈپىتىدە ۋەزىپە ئۆتىگەن مۇساپىدە، ئىسرائىلىيەنىڭ پەلەستىنلىكلەرگە قاراتقان مۇئامىلىسىنىڭ قەتئىي تەنقىدچىلىرىنىڭ بىرى بولدى.

ئامېرىكا مالىيە مىنىستىرلىقىنىڭ بۇ قەدىمى، ئەرزىيەت سوت مەھكىمىسىنىڭ جۈمە كۈنى، دەۋانىڭ تۈپ مەزمۇنىغا ئالاقىدار باھالاشلار داۋاملىشىۋاتقان بىر پەيتتە ئىلگىرىكى قارارغا مەمۇرىي توختىتىش ئېلىپ كېلىشىدىن كېيىن تاشلاندى.

بۇ دەۋا، ئالبانېسېنىڭ يولدىشى ماسسىمىلىئانو كالى تەرىپىدىن، تېخى رەشىت بولمىغان ئامېرىكا پۇقراسى بولغان بالىلىرى نامىدىن ئېچىلغان ئىدى.

ئالبانېسې، 2023-يىلى ئۆكتەبىردىن بىرى ئىسرائىلىيەنى غەززەدىكى قىرغىنچىلىقى سەۋەبىدىن قاتتىق تەنقىد قىلغان شەخسلەرنىڭ ئالدىنقى قاتارىدا تۇرىدۇ.

ئامېرىكا تاشقى ئىشلار مىنىستىرى ماركو رۇبىئو، ئۆتكەن يىلى ئىيۇل ئېيىدا ئالبانېسېغا قارىتىلغان ئېمبارگولارنى جاكارلىغاندا، ئۇنىڭ «پەرۋاسىز شەكىلدە يەھۇدىي دۈشمەنلىكىنى تارقىتىۋاتقانلىقىنى، تېررورلۇقنى قوللايدىغانلىقىنى ئىپادىلىگەنلىكىنى ھەمدە ئامېرىكا، ئىسرائىلىيە ۋە غەربنى ئاشكارە بىر كەمسىتىشكەنلىكىنى» ئېيتقان ئىدى.

ئىزدىنىڭ
كۈندىلىك قىسقا خەۋەرلەر 11 - نويابىر چارشەنبە
مالايشىيادىكى كەلكۈن ئاپىتىدە 5 كىشى ھاياتىدىن ئايرىلدى
دانىيە ئوكرائىناغا قوشۇمچە ياردەم بېرىدىغان بولدى
سۇداندا ئۇچقۇچىسىز ئايروپىلان ھۇجۇمى يۈ بەردى
كامبودژادا ئوقۇغۇچىلار ئاپتوبۇسى كۆلچەككە چۈشۈپ كەتتى
كونگو دېموكراتىك جۇمھۇرىيىتىدە ھەربىي سوتنىڭ ھۆكمىنى چىقاردى
رىزائى ترامپنى ئىراننىڭ 7 تۈرلۈك شەرتىنى قوبۇل قىلىشقا چاقىردى
فىرانسىيە تاللا بازارلىرىغا قىلىنغان تور ھۇجۇمىدا ئىراننى ئەيىبلىدى
ترامپ ھازىرچە ئىرانغا ھەربىي ھەرىكەت قىلىشنىڭ ھاجىتى يوقلۇقىنى ئېيتتى
ئاتاتۈرك خاتىرە سارايىدا بۈيۈك رەھبەر ئاتاتۈرك ئۈچۈن دۆلەت مۇراسىمى ئۆتكۈزۈلدى
تۈركىيە بىلەن ئۆزبېكىستان مۇھىت ئاسراش ساھەسىدە ھەمكارلىق كېلىشىمى ئىمزالىدى
ئەردوغان: ئارىمىزغا سوغۇقچىلىق سالماقچى بولغانلار خەلقلىرىمىزنىڭ قەتئىي ئىرادىسىنى نەزەرگە ئالمىدى
خىتاي ئامېرىكا مەھسۇلاتلىرىغا قوشۇمچە تاموژنا بېجى قويۇشنى كېچىكتۈرۈش مۇددىتىنى يەنە 2 ئاي ئۇزارتتى
31- نۆۋەتلىك ب د ت كىلىمات ئۆزگىرىشى يىغىنىغا ئالتە قىتئەدىن جەمئىي 102 نەپەر رەھبەر قاتنىشىدۇ
رۇبىيو: ئىران بىلەن دىپلوماتىك كېلىشىم ھاسىل قىلىش ئېھتىمالدىن يىراق