رۇسىيەنىڭ كېچىدە ئۇكرائىنانىڭ پايتەختى كىيېۋغا قىلغان ھاۋا ھۇجۇمىدا 4 نەپىرى كىچىك بالا بولۇپ، جەمئىي 14 كىشى يارىلاندى.
كىيېۋ ھەربىي مەمۇرىيىتى تېلېگرامدا ئېلان قىلغان باياناتىدا: «ھەممەيلەنگە داۋالاش ياردىمى بېرىلىۋاتىدۇ، بەزىلىرى دوختۇرخانىغا ئېلىپ بېرىلدى» دېيىلدى، ئەمما تېخىمۇ كۆپ تەپسىلات بېرىلمىدى.
ھۇجۇمدا ئىككى ئېگىز قەۋەتلىك تۇرالغۇ بىناسىنىڭ بۇزغۇنچىلىققا ئۇچرىغانلىقىنى بىلدۈرگەن كىيېۋ شەھەر باشلىقى ۋىتالىي كلىچكو، بىنانىڭ بىۋاسىتە زەربىگە ئۇچرىغان ياكى ۋەيران قىلىنغان قوراللارنىڭ پارچىلىرىنىڭ تۇرالغۇ بىناسىغا چۈشكەنلىكى توغرىسىدىمۇ مەلۇمات بەرمىدى.
2014-يىلى قىرىم ۋە دونباس رايونىنىڭ بىر قىسمىنى ئۆزىگە قوشۇۋالغان رۇسىيە، 2022-يىلى 2-ئايدا ئۇكرائىناغا كەڭ كۆلەملىك تاجاۋۇز قىلغان ئىدى. ھازىرغىچە داۋاملىشىۋاتقان ئۇرۇشتا تەرەپلەر يۈز مىڭلىغان ئەسكىرىدىن ئايرىلدى، ئۇكرائىنادا مىڭلىغان پۇقرا ھۇجۇملاردا ھاياتىدىن ئايرىلدى.
