تۈركىيە ئېكسپورتچىلار مەجلىسى (TİM) نىڭ سانلىق مەلۇماتلىرىغا ئاساسلانغاندا، سېنتەبىر ئېيىدا سانائەت گۇرۇپپىسى ساھەلىرىدىن ئاپتوموبىل سانائىتى 3 مىليارد 940 مىليون دوللار ئېكسپورت قىلىپ، بىرىنچى ئورنىنى ساقلاپ قاغان.

ئەڭ كۆپ ئېكسپورت قىلغان ساھەلەر ئارىسىدا خىمىيەۋى ماددىلار ۋە مەھسۇلاتلىرى 3 مىليارد 68 مىليون دوللار بىلەن ئىككىنچى، ئېلېكتىر ۋە ئېلېكترون ساھەسى 2 مىليارد 63 مىليون دوللار بىلەن ئۈچىنچى ئورۇندا تۇرغان.

ئالدىنقى ئايدا نىسبەت جەھەتتىن ئەڭ كۆپ ئېكسپورت ئېشىشىنى ئىشقا ئاشۇرغان ساھە 203.3 % بىلەن ئۈنچە-مەرۋايىت ساھەسى بولدى. بۇ ساھەنىڭ سېنتەبىردىكى ئېكسپورتى 1 مىليارد 512 مىليون دوللارغا ئۆرلىدى.

تۈركىيە ئېكسپورتىنىڭ 72.5% نى ئىشقا ئاشۇرغان سانائەت گۇرۇپپىسىنىڭ تاشقى سېتىلىشى 16.8% ئېشىپ، 18 مىليارد 800 مىليون دوللاردىن ئاشتى.

ئالدىنقى ئايدا ئېكسپورتنىڭ 12.3% نى ئىشقا ئاشۇرغان يېزا ئىگىلىك ساھەسى بولسا، 9.2% ئېشىش بىلەن تەخمىنەن 3 مىليارد 200 مىليون دوللارلىق، ئېكسپورتنىڭ 2.6% نى تەشكىل قىلغان كانچىلىق ساھەسى بولسا 24.2% ئېشىش بىلەن 682 مىليون 600 مىڭ دوللارلىق تاشقى سېتىشنى ئىشقا ئاشۇردى.

ئەڭ كۆپ ئېكسپورت گېرمانىيەگە قىلىندى

ئالدىنقى ئايدا ئەڭ كۆپ ئېكسپورت قىلىنغان ئالدىنقى ئۈچ دۆلەت تەخمىنەن 1 مىليارد 870 مىليون دوللار بىلەن گېرمانىيە، 1 مىليارد 460 مىليون دوللار بىلەن ئامېرىكا، 1 مىليارد 350 مىليون دوللار بىلەن ئەنگلىيە بولدى.

بۇ مەزگىلدە ئەڭ كۆپ ئېكسپورت قىلغان ئالدىنقى 3 شەھەر بولسا 9 مىليارد 540 مىليون دوللار بىلەن ئىستانبۇل، تەخمىنەن 2 مىليارد 200 مىليون دوللار بىلەن كوجائەلى ۋە 1 مىليارد 700 مىليون دوللار بىلەن ئەنقەرە بولدى.