قىبرىستا بىرلەشكەن دۆلەتلەر تەشكىلاتى باش كاتىپى ئانتونىيو گۇتېررېس يېتەكچىلىكىدە ئۈچ تەرەپلىك سۆھبەت باشلاندى.
لەپكوشادىكى تەڭپۇڭ رايونىغا جايلاشقان ب د ت مەركىزىدە ئېلىپ بېرىلىۋاتقان سۆھبەتكە، ب د ت باش كاتىپى ئانتونىيو گۇتېررېس، شىمالىي قىبرىس تۈرك جۇمھۇرىيىتى جۇمھۇر رەئىسى تۇپان ئەرھۈرمان ۋە جەنۇبىي قىبرىس رۇم ھاكىمىيىتى رەھبىرى نىكوس خرىستودۇلىدىس ئىشتىراك قىلماقتا.
سۆھبەتتە تەرەپلەر ئوتتۇرىسىدا ئىشەنچ ئاشۇرۇش تەدبىرلىرى ۋە قىبرىس مەسىلىسىدە كاپالەتچى دۆلەتلەرنىڭمۇ ئىشتىراك قىلىشى بىلەن ئۆتكۈزۈلۈشى پىلانلانغان «5+1» يىغىنلىرىنىڭ ئومۇمىي رامكىسىنىڭ مۇھاكىمە قىلىنىشى مۆلچەرلەنمەكتە.
ب د ت يېتەكچىلىكىدە ئېلىپ بېرىلىۋاتقان ئۈچ تەرەپلىك سۆھبەتتىن كېيىن گۇتېررېسنىڭ ئاخبارات ئېلان قىلىش يىغىنى ئۆتكۈزۈپ ئارالدىن ئايرىلىشى پىلانلانماقتا.
