پورت ئىشچىلىرى ئۇيۇشمىسى، تۈرلۈك ئىشچىلار ئۇيۇشمىلىرى ۋە پەلەستىننى قوللايدىغان باشقا تەشكىلاتلارنىڭ چاقىرىقى بىلەن پىرې پورتىدا ئۆتكۈزۈلگەن نامايىشتا، ئىسرائىلىيەلىك ساياھەتچىلەر ئولتۇرغان «Crown Iris» ناملىق ساياھەت پاراخوتىغا نارازىلىق بىلدۈرۈلدى.
نامايىشچىلار ئىسرائىلىيەنىڭ غەززە ۋە لىۋانغا قارىتىلغان ھۇجۇملىرى داۋاملىشىۋاتقان بىر پەيتتە، ئىسرائىلىيەلىك ساياھەتچىلەرنىڭ گىرېتسىيەدە دەم ئېلىشىغا نارازىلىق بىلدۈردى.
پەلەستىن بايراقلىرى كۆتۈرۈلگەن نامايىشتا «پەلەستىنگە ئەركىنلىك!» دەپ شۇئارلار توۋلاندى ۋە ئۈستىگە «ئىرقىي قىرغىنچىلىق ساياھىتىگە قارشىمىز!» دەپ يېزىلغان ۋىۋىسكىلار ئېچىلدى.
«Crown Iris» ساياھەت پاراخوتى 2025-يىلىنىڭ ياز ئايلىرىدىمۇ گىرېتسىيە پورتلىرىغا توختىغاندا، ئىسرائىلىيەنىڭ پەلەستىنگە قارىتىلغان ھۇجۇملىرى سەۋەبىدىن نارازىلىق نامايىشلىرىغا دۇچ كەلگەن ئىدى.
