تاشقى ئىشلار مىنىستىرى خاقان فىدان ياۋروپا كومىتېتىنىڭ مۇئاۋىن رەئىسى فىتتو بىلەن ئەنقەرەدە كۆرۈشتى. ئۇ كۆرۈشۈشتە، «تۈركىيە-ياۋروپا ئىتتىپاقى مۇناسىۋەتلىرى كېلەچىكىنىڭ، جەنۇبىي قىبرىس رۇم ھاكىمىيىتى (GKRY) تەرىپىدىن گۆرۈگە ئېلىنىشىغا يول قويۇلۇشى» نىڭ توغرا ئىستراتېگىيە ئەمەسلىكىنى ئېيتتى.
تاشقى ئىشلار مىنىستىرلىقى مەنبەلىرىدىن ئىگىلەنگەن ئۇچۇرلارغا قارىغاندا، مىنىستىر فىدان ياۋروپا كومىتېتىنىڭ ماسلىشىش ۋە ئىسلاھات ئىشلىرىغا مەسئۇل مۇئاۋىن رەئىسى راففائېلې فىتتو بىلەن كۆرۈشكەن.
مىنىستىر فىدان ئۇچرىشىشتا، فىتتونىڭ تۈركىيە بىلەن ياۋروپا ئىتتىپاقى ئوتتۇرىسىدىكى ھەمكارلىقنى كۈچەيتىش يۆنىلىشىدىكى خىزمەتلىرىنى ۋە ئوينىغان ئىجابىي رولىنى تەقدىرلەيدىغانلىقىنى بىلدۈرۈپ، تۈركىيەنىڭ ياۋروپا ئىتتىپاقى بىلەن بولغان مۇناسىۋەتلىرىگە ۋە ھەمكارلىققا بەرگەن ئەھمىيىتىنى تەكىتلىدى.
تەۋسىيە




















