كۆرۈشۈشلەردە ئىككى تەرەپ مۇناسىۋەتلىرى ۋە رايونلۇق مەسىلىلەر مۇزاكىرە قىلىندى.
سۈرىيە پىرېزىدېنتى ئەھمەد شارا ئەرەب بىرلەشمە خەلىپىلىكى پىرېزىدېنتى شەيخ مۇھەممەد بىن زايد ئەننەھيان ۋە سەئۇدى ئەرەبىستان تەخت ۋارىسى شاھزادە مۇھەممەد بىن سەلمان بىلەن تېلېفوندا كۆرۈشتى.
سۈرىيە رەسمىي خەۋەر ئاگېنتلىقى SANA نىڭ خەۋەر قىلىشىچە، شارانىڭ كۆرۈشۈشلىرىدە ئىككى تەرەپ مۇناسىۋەتلىرى ۋە ئورتاق مەنپەئەتلەرگە خىزمەت قىلىدىغان شەكىلدە ھەمكارلىقنى تەرەققىي قىلدۇرۇش يوللىرى مۇزاكىرە قىلىنغان.
رايونلۇق ئۆزگىرىشلەرمۇ كۆزدىن كەچۈرۈلگەن كۆرۈشۈشلەردە، تەرەپلەر مەسلىھەتلىشىش ۋە ماسلاشتۇرۇشنى داۋاملاشتۇرۇش بىلەن بىرگە، رايوندا بىخەتەرلىك ۋە مۇقىملىقنى كۈچەيتىشكە قارىتىلغان تىرىشچانلىقلارنى قوللاشنىڭ مۇھىملىقىنى تەكىتلىگەن.
كۆرۈشۈشلەردە يەنە، ئورتاق قىزىقىدىغان تېمىلاردا ئالاقىنى داۋاملاشتۇرۇشنىڭ رايونلۇق مۇقىملىقنى قوللاشقا ۋە ئەرەب ئەللىرى ئوتتۇرىسىدىكى ئورتاق خىزمەتلەرنى كۈچەيتىشكە تۆھپە قوشىدىغانلىقى ئىپادىلەنگەن.
سەئۇدى ئەرەبىستان تاشقى ئىشلار مىنىستىرلىقىنىڭ ئېلان قىلغان باياناتىغا ئاساسلانغاندا، سەئۇدى ئەرەبىستان تەخت ۋارىسى شاھزادە ۋە باش ۋەزىر بىن سەلمان بىلەن تېلېفوندا كۆرۈشكەن سۈرىيە پىرېزىدېنتى شارا، ئىراقتىكى ئىرانغا بېقىنىدىغان خەلق ئەسكەرلىرىنىڭ سەئۇدى ئەرەبىستاندىكى نېفىت ئەسلىھەلىرىنى نىشان قىلىش ئۇرۇنۇشىنى قاتتىق ئەيىبلىگەن ۋە سۈرىيەنىڭ سەئۇدى ئەرەبىستاننىڭ بىخەتەرلىكى ھەمدە ئىگىلىك ھوقۇقىنى قوللايدىغانلىقىنى تەكىتلىگەن.
