تۈركىيە مۇداپىئە ۋە ئاۋىياتسىيە ساھەسى 2024-يىلى ئېكسپورت رېكورتى ياراتتى
تۈركىيەنىڭ دۆلەت مۇداپىئە ۋە ئاۋىياتسىيە سانائىتى ئېكسپورتى 2024-يىلى يېڭى رېكورد يارىتىپ 7 مىليارد 154 مىليون دوللارغا يەتتى.
تۈركىيە جۇمھۇرىيىتى جۇمھۇر رەئىسلىك مەھكىمىسى مۇداپىئە سانائىتى ئىدارىسى رەئىسى خالۇق گۆرگۈن ئىجتىمائىي تاراتقۇ سۇپىسى «X» تىكى ئادرېسىدا بايانات ئېلان قىلىپ، 2024-يىلى دۆلەت مۇداپىئە ۋە ئاۋىياتسىيە سانائىتى ئېكسپورتىنىڭ شىمالىي ئاتلانتىك ئەھدى تەشكىلاتى — ناتو ۋە مۇلازىمەت ئېكسپورتلىرى قوشۇلۇپ 29 پىرسەنت ئېشىپ، 7 مىليارد 154 مىليون دوللارغا يېتىپ يېڭى رېكورد ياراتقانلىقىنى بىلدۈردى.
بۇ رەقەمنىڭ 2024-يىللىق نىشان قىلىنغان 6.5 مىليارد دوللاردىن 11 پىرسەنت يۇقىرى ئىكەنلىكىنى تەكىتلىگەن گۆرگۈن، تۈركىيەنىڭ 180 دۆلەتكە مەھسۇلات ئېكسپورت قىلغانلىقىنى بىلدۈردى.
خالۇق گۆرگۈن تۈركىيەنىڭ 2025-يىلىمۇ يۇقىرى قوشۇمچە قىممەتلىك مەھسۇلاتلار ئېكسپورتىدا داۋاملىق ئېشىشنى قولغا كەلتۈرگەن ھالدا خىزمەت قىلىشنى داۋاملاشتۇرىدىغانلىقىنى تەكىتلىدى.