ياۋروپا ئىتتىپاقى كومىتېتى خىزمەتچى خادىملىرىنى جاسۇسلارغا دىققەت قىلىش ھەققىدە ئاگاھلاندۇردى. ياۋروپا ئىتتىپاقى باشقارمىسى، «بىريۇسسېل دۇنيانىڭ ئەڭ چوڭ جاسۇسلۇق مەركەزلىرىدىن بىرى» تېمىسىدا بايانات ئېلان قىلدى.
ياۋروپا ئىتتىپاقى كومىتېتى بىريۇسسېلنىڭ جاسۇسلار بىلەن تولۇپ كەتكەنلىكى توغرىسىدا خىزمەتچى خادىملىرىنى ئاگاھلاندۇردى.
ياۋروپا ئىتتىپاقى كومىتېتى دائىرىلىرى ياۋروپا ئىتتىپاقىنىڭ مەخپىي ھۆججەتلىرىنى ئوغرىلىماقچى بولغان جاسۇسلاردىن كەلگەن تەھدىتنىڭ «راست» ئىكەنلىكى توغرۇلۇق ئاگاھلاندۇرۇش بېرىلگەن بىر ئېلېكترونلۇق خەت تاپشۇرۇۋالدى.
ئاگاھلاندۇرۇشتا، «بىريۇسسېل ئىتتىپاقىمىز (ياۋروپا ئىتتىپاقى) نى نىشان قىلغان يۈزلىگەن ئىستىخبارات ئورگانلىرىنىڭ ئاكتىپ جاسۇسلىرى بىلەن تولۇپ تاشقان دۇنيانىڭ ئەڭ چوڭ جاسۇسلۇق مەركەزلىرىدىن بىرى» دېيىلدى.
دىپلوماتلارنىڭ 20 پىرسەنتى جاسۇس
بېلگىيە خەۋپسىزلىك دائىرىلىرى بەزى ئەلچىخانىلاردىكى دىپلوماتلارنىڭ 10 پىرسەنتتىن 20 پىرسەنتكىچە بولغان قىسمىنىڭ ئىستىخبارات خادىمى (جاسۇس) ئىكەنلىكىنى تەخمىن قىلىنماقتا. بىريۇسسېلدا ۋەزىپە ئۆتەيدىغان خىتاي مۇخبىرلىرىنىڭ بەشتىن بىرىنىڭ ئىستىخبارات خادىمى (جاسۇس) ئىكەنلىكىدىن گۇمانلىنىلماقتا.
ياۋروپا ئىتتىپاقىنىڭ دىپلوماتىك ئىشلار باشقارمىسى 2019-يىلى خىزمەتچى خادىملىرىنى رۇسىيە ۋە خىتاي جاسۇسلۇق تەھدىتى ھەققىدە ئاگاھلاندۇرغانىدى.
بېيجىڭ ۋە موسكۋادىن يۈزلىگەن جاسۇسنىڭ بېلگىيەنىڭ پايتەختى بىريۇسسېلدا ئايلىنىپ، يېقىن ئەتراپتىكى قاۋاقخانا ۋە رېستورانلاردا قىلىنغان سۆھبەتلەرنى ئاڭلايدىغانلىقى بىلدۈرۈلگەنىدى.
