تۈركىيەنىڭ 7-نۆۋەتلىك ئېتنوسپورت مەدەنىيەت فېستىۋالىدا ئەنئەنىۋى ئويۇنلار ۋە مەدەنىيەت مىراسلىرى ئالدىنقى پىلاندىن ئورۇن ئالغان بولسىمۇ، خاتىرىلەش پائالىيەتلىرىمۇ مۇھىم سالماقنى ئىگىلىمەكتە.

بۇ يىلقى فېستىۋال، تەبرىكلەش پائالىيەتلىرى ئىچىدە ئۇنتۇلۇپ قالماسلىقى ئۈچۈن، كىشىلەرنىڭ دىققىتىنى ئىسرائىلىيە تەرىپىدىن غەززەدە ئۆلتۈرۈلگەن مىڭلارچە پەلەستىنلىك بالىغا مەركەزلەشتۈردى.

25-مايغىچە داۋاملىشىدىغان فېستىۋالدا، غەززەدىكى بالىلارنىڭ ئاۋازىنى ئاڭلىتىشنى مەقسەت قىلغان بىر «ھەمكارلىق چېدىرى» تەسىس قىلىندى.

بۇ چېدىر سىمۋوللۇق كۆرگەزمە بۇيۇملىرى بىلەن تولغان بولۇپ، ئۇلار: قايتا ئويناش پۇرسىتىگە ئېرىشەلمەيدىغان بالىلارغا سىمۋول قىلىنغان ئويۇنچۇقلار، پەلەستىننى قوللاشقا چاقىرىدىغان پىلاكاتلار ۋە غەززەدىن ئىلھام ئېلىنىپ ئىشلەنگەن ھەمدە ئىئانە توپلاش مەقسىتىدە سېتىلىدىغان ماي بوياق رەسىملەردىن ئىبارەت.

پەلەستىننىڭ تاۋۇز شەكلىدىكى خەرىتىسى مەيداننى كۆرسىتىپ تۇرغان بولسا، قانغا بويالغان بىر مۇخبىر جىلىتكىسى توقۇنۇشتا ھاياتىدىن ئايرىلغان ئاخبارات خادىملىرىنى ئەسلىتىدۇ.

زىيارەتچىلەرگە يەنە ئىسرائىلىيەگە قارشى ئاڭنى ئۆستۈرۈپ، ھەرىكەتكە ئۆتۈشكە ئىلھاملاندۇرۇشنى مەقسەت قىلغان بايقۇت قىلىش قوللانمىلىرىمۇ تارقىتىلماقتا.

ئانادولۇ ئاگېنتلىقىنىڭ زىيارىتىنى قوبۇل قىلغان فېستىۋال ماسلاشتۇرغۇچىلىرىدىن تۈلاي گۆكچىمەن، چېدىر ئىچىدىكى پارتلاش ۋە ۋارقىراش-چىرقىراش ئاۋازلىرىنى تەقلىد قىلىدىغان [سىمۇلياتسىيە قىلىدىغان] پائالىيەتنىڭ تەسىرىنى بايان قىلىپ: «زىيارەتچىلەرگە، ‹غەززەدىكى ئىنسانلار بۇنى كېچە-كۈندۈز توختىماي ئاڭلايدۇ — سىلەر ھەتتا بىر مىنۇتمۇ چىدىيالمايسىلەر› دەيمىز» دەۋاتىمىز.

گۆكچىمەن ئويۇنچۇق كۆرگەزمىسىنىڭ ئارقىسىدىكى يوشۇرۇن مەنىنى تەكىتلەپ: «ئەگەر ئىسرائىلىيە ئىرقىي قىرغىنچىلىق يۈرگۈزمىگەن بولسا، ئۇ بالىلار بۇ ئويۇنچۇقلار بىلەن ئوينىيالايتتى. بۇ فېستىۋالدا سىلەردەك ئەركىن پۇت تىرەپ ماڭالايتتى» دېگەنلەرنى قەيت قىلدى.

ئېتنوسپورت فېستىۋالى، ئۆزىنىڭ مەدەنىيەت سۇپىسى ئارقىلىق ئەنئەنىنى ۋىجدان بىلەن بىرلەشتۈرۈپ، تەبرىكلەش پائالىيەتلىرى بىلەن بىر قاتاردا ھەمكارلىققىمۇ ئورۇن ھازىرلايدۇ.