تېرورلۇق تەشكىلاتى دائېشنىڭ رايوندىكى گۇرۇپپىسى، تالىبان ئەمەلدارلىرىنى نىشان قىلغان ھۇجۇمدا، بەدەخشان ۋىلايىتىنىڭ ئۇچۇر ۋە مەدەنىيەت باشلىقى زەبىھۇللاھ ئەمىرىنى ئېتىپ ئۆلتۈرگەنلىكىنى بىلدۈردى. تالىبان تەرەپ بۇ ھۇجۇمنىڭ خەۋپسىزلىكنى ساقلاش تىرىشچانلىقلىرىغا توسالغۇ بولالمايدىغانلىقىنى بىلدۈردى.
خەۋەر قىلىنىشىچە، دائېش تېررورلۇق تەشكىلاتىنىڭ رايوندىكى گۇرۇپپىسى ئافغانىستاننىڭ شەرقىي شىمالىدا تالىبان ئەمەلدارىغا قىلىنغان ھۇجۇمنىڭ جاۋابكارلىقىنى ئۈستىگە ئالغان.
بەدەخشان ۋىلايەتلىك ئۇچۇر ۋە مەدەنىيەت باشقارمىسىنىڭ باشلىقى زەبىھۇللاھ ئەمىرى سەيشەنبە (2026-يىلى 28-ئىيۇل) كۈنى ۋىلايەت مەركىزى پەيزاباتقا كېتىۋاتقاندا ئېتىپ ئۆلتۈرۈلگەن.
ئافغانىستان ۋە پاكىستاندا ھەرىكەت قىلىدىغان «دائېش خۇراسان» گۇرۇپپىسى چارشەنبە كۈنى بايانات ئېلان قىلىپ، مەزكۇر ھۇجۇمنى ئۆزلىرىنىڭ قىلغانلىقىنى ئېيتتى.
زەبىھۇللاھ ئەمىرى جەنۇبىي خېلماند ۋىلايىتىنىڭ ۋالىيسى ئامانۇددىن مەنسۇرنىڭ جىيەنى ئىدى.
مۇناسىۋەتلىك ئۇچۇرلارTRT World - Daesh in Afghanistan: Challenge and opportunity for the Taliban
تەۋسىيە
