تۈركىيە جۇمھۇرىيىتى تاشقى ئىشلار مىنىستىرلىقى بايانات ئېلان قىلىپ، بىر ئىسرائىلىيەلىك مىنىستىرنىڭ تۈنۈگۈن ئىسرائىلىيە بىخەتەرلىك قىسىملىرىنىڭ قوغدىشى ئاستىدا ئۆزىگە ئەگەشكەن ئاشقۇن گۇرۇپپىلار بىلەن بىرلىكتە مەسجىدى ئەقساغا بېسىپ كىرگەنلىكىنى ئەڭ كۈچلۈك شەكىلدە ئەيىبلىدى.
باياناتتا مۇنداق دېيىلدى: «نېتانياھۇ ھۆكۈمىتىنىڭ مۇسۇلمانلارغا تەۋە بولغان مەسجىدى ئەقسا قاتارلىق قۇددۇستىكى مۇقەددەس جايلارنىڭ تارىخىي ۋە قانۇنىي ئورنىغا خىلاپلىق قىلىدىغان ئىغۋاگەرچىلىك ۋە مەجبۇرىي قوبۇل قىلدۇرۇشقا ئۇرۇنۇش قىلمىشلىرىنىڭ ئالدىنى ئېلىش، پۈتكۈل خەلقئارا جەمئىيەتنىڭ ئورتاق مەسئۇلىيىتى ئىكەنلىكىنى يەنە بىر قېتىم ئەسلىتىمىز.»
