تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر-ئالاقە باشقارمىسىدىن ئېلان قىلىنغان باياناتقا قارىغاندا، جۇمھۇر رەئىس رەجەپ تاييىپ ئەردوغان ۋە ئەرمېنىيە باش مىنىستىرى نىكول پاشىنيان سەيشەنبە كۈنى ئېلىپ بارغان تېلېفون سۆھبىتىدە، ئىككى دۆلەت ئوتتۇرىسىدىكى مۇناسىۋەتلەر بىلەن بىرگە رايونلۇق تېمىلارنى مۇزاكىرە قىلغان.
جۇمھۇر رەئىس ئەردوغان، ئەنقەرە بىلەن ئېرىۋان ئوتتۇرىسىدىكى نورماللىشىش مۇساپىسنىڭ، ئىككى دۆلەت ئوتتۇرىسىدا بىۋاسىتە سودىنى باشلاشنى مەقسەت قىلغان قەدەملەر بىلەن داۋاملىشىۋاتقانلىقىنى تىلغا ئالدى.
سۆھبەت جەريانىدا پاشىنيان، يېقىنقى كۈنلەردە تەبرىكلەنگەن قۇربان ھېيت مۇناسىۋىتى بىلەن جۇمھۇر رەئىس ئەردوغاننىڭ ئۆتۈپ كەتكەن ھېيتىنى تەبرىكلىدى.
ئەنقەرەنىڭ ئۆز رايونىدا تىنچلىق ۋە مۇقىملىق ئۈچۈن خىزمەت قىلىۋاتقانلىقىنى بىلدۈرگەن ئەردوغان، تۈركىيەنىڭ بۇ يۆنىلىشتە تاشلىنىدىغان قەدەملەرنى ھەر ۋاقىت قوللايدىغانلىقىنى تەكىتلىدى.
نورماللىشىش مۇساپىسىدە تاشلانغان قەدەملەر
ئەرمېنىيە كۈچلىرىنىڭ قاراباغ ۋە ئەتراپىدىكى ئەزەربەيجان تۇپراقلىرىنى ئىشغال قىلىشىدىن كېيىن ئەنقەرەنىڭ چېگرانى تاقىشى ۋە مۇناسىۋەتلەرنى ئۈزۈشى بىلەن تۈركىيە ۋە ئەرمېنىيە ئوتتۇرىسىدا 1993-يىلىدىن بۇيان ھېچقانداق دىپلوماتىك ياكى سودا ئالاقىسى مەۋجۇت ئەمەس ئىدى.
2020-يىلىلىق قاراباغ ئۇرۇشىدىن كېيىن قايتىدىن باشلىتىلغان ۋە 2022-يىلى رەسمىي ھالدا داۋاملاشقان نورماللىشىش مۇساپىسى ئەنقەرە بىلەن ئېرىۋان ئوتتۇرىسىدا تۈرك ھاۋا ئارمىيەسىگە تېگىشلىك لىنىيەلەر ياكى تۈرك ھاۋا يوللىرىنىڭ بىۋاسىتە ئايروپىلان قېتىملىرىنى باشلىتىشى، دىپلوماتىك پاسپورت ئىگىلىرى ئۈچۈن ۋىزا قولايلىقى كېلىشىمى ۋە بىۋاسىتە سودا ئۈچۈن بىيۇروكراتلىق تەييارلىقلارنىڭ تاماملىنىشىمۇ ئۆز ئىچىگە ئالغان بىر يۈرۈش ئىشەنچ ئاشۇرۇش تەدبىرلىرى بىلەن داۋاملاشتۇرۇلدى.
تۈركىيەنىڭ ئىغدىر (Iğdır) ۋىلايىتى بىلەن ئەرمېنىيەنىڭ ئارماۋىر (Armavir) رايونىنى بىر-بىرىگە باغلايدىغان ئالىجان-مارگارا چېگرا ئېغىزىدىكى قۇرۇلۇش خىزمەتلىرىنىڭ ھازىر تەخمىنەن %90 ى تاماملىنىش ھالىتىدە تۇرۇۋاتىدۇ. يەنە بىر تەرەپتىن ئىككى تەرەپ، ئورتاق چېگرالىرى بويىدا ئورۇن ئالغان تارىخىي ئانى (Ani) كۆۋرۈكىنى قايتىدىن ئەسلىگە كەلتۈرۈش مەسىلىسىدىمۇ پىكىر بىرلىكى ھاسىل قىلدى. دىپلوماتلار بۇ قەدەمنى ھەم سىمۋوللۇق ھەم ئەمەلىي بىر ئىلگىرىلەش دەپ سۈپەتلىمەكتە.
