تۈركىيە دۆلەت مۇداپىئە مىنىستىرلىقى تۈركىيە ھاۋا ئارمىيەسىنىڭ بىر F-16 كۈرەشچى ئايروپىلانىنىڭ بالىكەسىرنىڭ غەربىي شىمالىدا چۈشۈپ كېتىپ، ئۇچقۇچىنىڭ شېھىت بولغانلىقىنى بىلدۈردى. مىنىستىرلىق بايانات ئېلان قىلىپ، تۈركىيە ۋاقتى سائەت 00:56 دە 9-ئاساسىي رېئاكتىپ ئايروپىلان بازىسى قوماندانلىق مەركىزىدىن قوزغالغان بىر F-16 ئايروپىلانى بىلەن بولغان سىمسىز ئالاقە ۋە ئىز قوغلاش ئۇچۇرىنىڭ ئۈزۈلۈپ قالغانلىقىنى ئەسكەرتتى.

دەرھال باشلانغان ئىزدەش-قۇتقۇزۇش خىزمەتلىرى نەتىجىسىدە ئايروپىلاننىڭ قالدۇقلىرى تېپىلدى. مىنىستىرلىق باياناتىدا: «ئۇچقۇچىمىز شېھىت بولدى. ۋەقەنىڭ كېلىپ چىقىش سەۋەبى ۋەقە تەكشۈرۈش گۇرۇپپىسىنىڭ تەكشۈرۈشلىرىدىن كېيىن ئېنىقلىنىدۇ. شېھىت بولغان ئۇچقۇچىمىزغا ئاللاھتىن رەھمەت، ئائىلىسىگە، تۈركىيە ئارمىيەمىزگە ۋە ئەزىز مىللىتىمىزگە تەزىيە بىلدۈرىمىز» دېدى.

بالىكەسىر ۋالىيسى ئىسمائىل ئۇستئوغلۇمۇ شېھىت ئۇچقۇچىنىڭ ئائىلىسىگە تەزىيە بىلدۈردى.