پىرېزىدېنت ترامپ بىلەن كونگرە ئەزاسى ئىلخان ئۆمەر كونگرەدىكى كەسكىن بىر پەيتتە، كۆچمەنلەرنى باشقۇرۇش مەسىلىسىدە بىر-بىرىنى ئۆزئارا قاتتىق ئەيىبلەشتى.

ئامېرىكا پىرېزىدېنتى دونالد ترامپ بىلەن ترامپ بىلەن كونگرە ئەزاسى ئىلخان ئۆمەر ئوتتۇرىسىدا يىرىكچىلىك يۈز بەردى.

پىرېزىدېنت ترامپ دېموكراتلار پارتىيەسىدىكى كونگرە ئەزالىرىنى كۆچمەنلەر سىياسىتى سەۋەبىدىن تەنقىد قىلىپ، ئۇلارنى چېگرا بىخەتەرلىكىنى قوللىمايدۇ دەپ ئەيىبلىدى.

ئۇ سەيشەنبە (24-فېۋرال) كۈنى كونگرەنىڭ بىرلەشمە يىغىنىدا «دۆلەت ئەھۋالىدىن مەلۇمات بېرىش» نۇتقى سۆزلىگەندە، كونگرە ئەزالىرىنى ئەگەر ئۆزى ئوتتۇرىغا قويغان ھۆكۈمەتنىڭ «تۈپ پرىنسىپى»غا قوشۇلسا، ئورنىدىن تۇرۇشقا چاقىردى.

ئۇ مۇنداق دېدى: «دۆلەت ئەھۋالىدىن مەلۇمات بېرىشنىڭ ئەڭ ياخشى تەرەپلىرىدىن بىرى، ئامېرىكالىقلارغا ئۆز ۋەكىللىرىنىڭ زادى نېمىگە ئىشىنىدىغانلىقىنى ئېنىق كۆرۈۋېلىش پۇرسىتى بېرىدۇ.»

شۇڭا، بۈگۈن كېچە مەن ھەر بىر كونگرە ئەزاسىنى ھۆكۈمىتىمىز بىلەن بىرلىكتە بىر تۈپ پىرىنسىپنى قايتا مۇئەييەنلەشتۈرۈشكە تەكلىپ قىلىمەن. ئەگەر سىلەر بۇنىڭغا قوشۇلساڭلار، ئورنۇڭلاردىن تۇرۇپ قوللايدىغانلىقىڭلارنى كۆرسىتىڭلار. ئامېرىكا ھۆكۈمىتىنىڭ بىرىنچى ۋەزىپىسى غەيرىي قانۇنىي كۆچمەنلەرنى ئەمەس، بەلكى ئامېرىكا پۇقرالىرىنى قوغداشتۇر.»

دېموكرات كونگرە ئەزالىرى ئورۇنلىرىدا ئولتۇرۇۋەردى، ترامپ سەھنىدە تۇرۇپ ئۇلارغا كەسكىن ئىنكاس قايتۇردى.

ئۇ: «ئورنۇڭلاردىن تۇرمىغانلىقىڭلار ئۈچۈن نومۇس قىلىشىڭلار كېرەك. ئۆزۈڭلاردىن نومۇس قىلىشىڭلار كېرەك» دېدى.

پىرېزىدېنت ترامپ سۆزىنى داۋاملاشتۇرۇپ، كونگرەنى «پاناھگاھ شەھەر»  دەپ ئاتالغان سىياسەتلەرگە خاتىمە بېرىشكە ھەمدە ئېغىر جىنايەتلەر بىلەن ئەيىبلەنگەن كىملىكسىز كۆچمەنلەرنى قوغلاپ چىقىرىشقا توسقۇنلۇق قىلغان ئەمەلدارلارنى جازالاشقا چاقىردى.

پىرېزىدېنت ترامپ سۆز قىلىۋاتقاندا، مىننېسوتا ئىشتاتىدىن بولغان دېموكرات كونگرە ئەزاسى ئىلخان ئۆمەرنىڭ ۋارقىرىغان ئاۋازى ئاڭلاندى.

ئىلخان ئۆمەر: «سەن ئامېرىكالىقلارنى ئۆلتۈرۈۋاتىسەن! سەن نومۇس قىلىشىڭ كېرەك!» دەپ ۋارقىرىدى.

مۇناسىۋەتلىك ئۇچۇرلارTRT World - Trump declares 'Golden Age of America' in first State of the Union of second term