تۈركىيەنىڭ توكلۇق ئاپتوموبىل شىركىتى توگ «T10F» تىپلىق يېڭى مودېلىنى جۇمھۇر رەئىس رەجەپ تاييىپ ئەردوغانغا تاپشۇردى. جۇمھۇر رەئىس ئەردوغان ئاپتوموبىلنىڭ لايىھەلىنىشى، ئالاھىدىلىكلىرى ۋە تېخنولوگىيەلىك يېڭىلىقلىرىنى تەكشۈرۈپ، تەتقىق قىلدى.

ئۇ جۇمھۇر رەئىسلىك مەھكىمىسىنىڭ پىلاكا تاختىسى ئېسىلغان ئاپتوموبىلنى ھەيدەپ سىناق قىلدى ۋە ئاپتوموبىلنىڭ ئالاھىدىلىكلىرى، ئىقتىدارى ھەققىدە مەلۇمات ئالدى.

سانائەت ۋە تېخنولوگىيە مىنىستىرى مەھمەت فاتىھ قاجىر بىلەن توگ مۇدىرىيىتىنىڭ رەئىسى فۇئات توسيالى جۇمھۇر رەئىسكە خاتىرە سۈپىتىدە «T10F» تىپلىق يېڭى مودېلىنى سوۋغا قىلدى.

تۈركىيە جۇمھۇرىيىتى ئۇچۇر-ئالاقە ئىشلىرى ئىدارىسىنىڭ باشلىقى بۇرهانەتتىن دۇرانمۇ مۇراسىمىغا قاتناشتى ۋە ھۆكۈمەتنىڭ تۈركىيە يەرلىك ئاپتوموبىل سانائىتىگە بولغان قوللىشىنى ئالاھىدە تەكىتلىدى.

مۇناسىۋەتلىك ئۇچۇرلارTRT Global - Türkiye's EV maker Togg debuts new sedan in Germany, eyes European expansion

ياۋروپا ن س ئا پ (Euro NCAP) سىناقلىرىدا بەش يۇلتۇز

توگ ئاپتوموبىلىنىڭ «T10F» تىپلىق مودېلى ئۈچۈن 15-سېنتەبىر ئالدىن زاكاس قوبۇل قىلىش باشلىنىدۇ. گېرمانىيەدە بولسا 29-سېنتەبىر باشلىنىدۇ. توگنىڭ «T10F» تىپلىق مودېلىنى تونۇشتۇرۇش، ميۇنخېندىكى 2025-يىللىق «IAA Mobility» يەرمەنكە بىلەن ئوخشاش ۋاقىتقا توغرا كەلدى. ميۇنخېن ئاپتوموبىل يەرمەنكىسى ئاپتوموبىل ئىشلەپچىقارغۇچىلار، تېخنولوگىيە شىركەتلىرى ۋە يېڭىلىق ياراتقۇچى قاتناش ۋاسىتىلىرى ئىشلەپچىقارغۇچىلىرىنى بىر يەرگە جەم قىلىدۇ.

توگ شىركىتى توكلۇق ئاپتوموبىللىرىنى يەرلىك ۋە چەت ئەللىك مۇخبىرلارغا تونۇشتۇردى. توگ «پەقەت بىر ماشىنا ئەمەس» دېگەن ۋەزىپىسىنى تەكىتلەيدۇ. توگنىڭ ئاپتوموبىل ساھەسىدىكى يېڭىلىق يارىتىش ۋە دۇنياۋى رىقابەت كۈچى ئالاھىدە دىققەت قوزغىدى.

 توگنىڭ «T10F»، «T10X» مودېللىرى ياۋروپا ن س ئا پ سىناقلىرىدا بەش يۇلتۇز دەرىجىسىگە ئېرىشىپ، ياۋروپا بازىرى ئۆلچەملىرىگە تولۇق ماس كېلىدىغانلىقىنى ئىسپاتلىدى.

بۇ قېتىمقى بازارغا سېلىش، توگنىڭ خەلقئارادىكى كېڭىيىش ئىستراتېگىيەسىنى كۈچەيتىپ، تۈركىيەنى سىجىل ۋە ئىلغار ئاپتوموبىل تېخنولوگىيەلىرىدە چوڭىيىۋاتقان ئاكتىيور ئورنىغا ئىگە قىلىدۇ.

مۇناسىۋەتلىك ئۇچۇرلارTRT Global - EV fleet in Türkiye doubles in a year, powered by Togg and charging boom