مىچوتاكىس 36-نۆۋەتلىك ناتو دۆلەت ۋە ھۆكۈمەت باشلىقلىرى يىغىنىدىن ئىلگىرى مۇخبىرلارغا بايانات بەردى.
ئۆز دۆلىتىنىڭ ناتونى تەۋرەنمەستىن قوللايدىغانلىقىنى تىلغا ئالغان مىچوتاكىس: «نۆۋەتتە قوراللىق قىسىملىرىمىز ئۈچۈن 25 مىليارد ياۋرولۇق زامانىۋىلاشتۇرۇش پىلانىنى يولغا قويۇۋاتىمىز» دېدى.
مىچوتاكىس گىرېتسىيەنىڭ ھەر ۋاقىت ناتو ئالدىدىكى مەجبۇرىيەتلىرىنى ئورۇنداپ كەلگەنلىكىنى تەكىتلىدى.
ئامېرىكا بىلەن ئىران ئوتتۇرىسىدا ئىمزالانغان كېلىشىمگە رىئايە قىلىشنىڭ مۇھىملىقىنى كۆرسەتكەن مىچوتاكىس مۇنداق دېدى: «تۇرمۇش تەننەرخى پۈتكۈل ياۋروپا ھۆكۈمەتلىرى ئۈچۈن بىرىنچى دەرىجىلىك مۇھىم ئىش بولۇۋاتقان بىر مەزگىلدە، دېموكراتىيە ۋە دىپلوماتىيەگە بۇ مۇرەككەپ مەسىلىنى ھەل قىلىشى ئۈچۈن ۋاقىت بېرىش ئىنتايىن مۇھىم ئەھمىيەتكە ئىگە. ئەلۋەتتە، جىددىيچىلىكنىڭ يەنىمۇ ئۆرلەپ كېتىشىنىڭ بېنزىن باھاسىنىڭ ئۆسۈشىدىن دېرەك بېرىدىغانلىقىنى ئوبدان بىلىمەن، مەن بۇنداق ئەھۋالنىڭ يۈز بەرمەسلىكىنى ئۈمىد قىلىمىز.»
مىچوتاكىس باشلىقلار يىغىنىنىڭ تۈركىيەدە ئۆتكۈزۈلگەنلىكى توغرىسىدىمۇ توختىلىپ مۇنداق دېدى: «ئەنقەرەنى زىيارەت قىلىش مەن ئۈچۈن ھەمىشە بىر خۇشاللىنارلىق ئىش. مەن ئىككى دۆلەت ئوتتۇرىسىدىكى ئالاقىلەرنى تەرەققىي قىلدۇرۇشنىڭ ھەمىشە كۈچلۈك تەرەپدارى بولۇپ كەلدىم.»
