پېسكوۋ سەيشەنبە كۈنى موسكۋادا ئۆتكۈزۈلگەن مۇخبىرلارنى كۈتۈۋېلىش يىغىنىدا، ئۇكرائىنا سۆھبىتىگە قاتناشقان بارلىق تەرەپلەرنىڭ ئىستانبۇلنى بىر مۇزاكىرە سەھنىسى سۈپىتىدە ئىجابىي قارشى ئالغانلىقىنى، شۇڭا سۆھبەتلەرنىڭ بۇ يەردە داۋاملىشىشى مۇمكىنلىكىنى بىلدۈرۈپ مۇنداق دېدى:
«سۆھبەتنىڭ ئىستانبۇلدا ئۆتكۈزۈلۈشى مەسىلىسىگە بارلىق تەرەپلەر ناھايىتى ئىجابىي پوزىتسىيەدە بولماقتا.»
پېسكوۋ يەنە ئالدىنقى سۆھبەتلەرنى تەشكىللەشتىكى ياردىمى ۋە يارىتىلغان كەيپىيات ئۈچۈن ئەرەب بىرلەشمە خەلىپىلىكى ھۆكۈمىتىگە رەھمەت ئېيتىپ مۇنداق دېدى:
«ئەلۋەتتە، ھەممەيلەن ئەرەب بىرلەشمە خەلىپىلىكى دائىرىلىرىنىڭ بۇ ئۈچ تەرەپ سۆھبىتى ئۈچۈن ياراتقان كەيپىياتىغا يۇقىرى باھا بېرىدۇ ۋە مۇزاكىرە مۇساپىسىنى تەشكىللەشتىكى ياردىمى ئۈچۈن ئەرەب بىرلەشمە خەلىپىلىكى ھۆكۈمىتىگە مىننەتدارلىق بىلدۈرىدۇ.»
رۇسىيەدىكى تور ئۈزۈلۈپ قېلىش ئەھۋاللىرى ئۈستىدە توختالغان پېسكوۋ، «بىخەتەرلىككە كاپالەتلىك قىلىش» ئۈچۈن تور ئۈزۈلۈپ قېلىشنىڭ «زۆرۈر تېپىلغاندا» بۇنىڭدىن كېيىنمۇ داۋاملىشىدىغانلىقىنى ئەسكەرتتى.
