ئادۋوكاتلار، ئەسلى مىيانماردىن ۋە ۋيېتنامدىن كەلگەن ئىككى كىشىنىڭ ئۇرۇشتىن ۋەيران بولغان بىر ئافرىقا دۆلىتىگە ئالدىن ئۇقتۇرۇلمايلا ئەۋەتىلگەنلىكىنى، ھەمدە بۇنىڭ فېدېراتسىيە قانۇنلىرىغا خىلاپ ئىكەنلىكىنى ئېيتتى.
ئۇلارنىڭ ئادۋوكاتلىرى، ئامېرىكادىكى كۆچمەنلەرنى نازارەت قىلىش ئورنىدا تۇتۇپ تۇرۇلۇۋاتقان ئىككى ئاسىيالىق كۆچمەننىڭ، قانۇن مۇتەخەسسىسلىرى تەرىپىدىن فېدېراتسىيە سوتىنىڭ ھۆكمىگە ئوچۇق-ئاشكارا خىلاپلىق قىلىش دەپ قارالغان بىر شەكىلدە جەنۇبىي سۇدانغا چېگرادىن قوغلاپ چىقىرىلغانلىقىنى ئېيتتى.
بۇ ئىككى كىشىنىڭ بىرى مىيانمارلىق، يەنە بىرى ۋىيېتناملىق بولۇپ، ئۇلار تېكساس ئىشتاتىدا كۆچمەنلىك سوتىنى كۈتۈۋاتقاندا، ئادۋوكاتلىرى ئۇلارنىڭ جەنۇبىي سۇدانغا بارىدىغان 10 دەك كىشى بىلەن بىرلىكتە ئايروپىلانغا چىقىرىلغانلىقى ھەققىدە تۇيۇقسىز ئۇقتۇرۇش تاپشۇرۇۋالغان.
ئادۋوكات ژاكلىن بىروۋن، دېلو ۋەكىلىنىڭئامېرىكا كۆچمەنلەر ۋە تاموژنا ئىجرا قىلىش ئىدارىسى تۇتۇپ تۇرۇلۇۋاتقانلار سانلىق مەلۇمات ئامبىرىدىن غايىب بولغاندىن كېيىن چېگرادىن قوغلاپ چىقىرىلغانلىقىنى دەلىللىدى. بىر نازارەتچى خادىم ئېلخەت ئارقىلىق چېگرادىن قوغلاپ چىقىرىش ئىشىنىڭ «بۈگۈن ئەتىگەن» ئەمەلگە ئاشقانلىقىنى، ھەمدە يېتىپ بارىدىغان مەنزىلىنىڭ جەنۇبىي سۇدان، دەپ كۆرسىتىلگەنلىكىنى جەزملەشتۈردى.
بىروۋن: «بۇ، مۇۋاپىق ئۇقتۇرۇش ياكى قانۇنىي رەسمىيەت بولماي تۇرۇپ، ئۈچىنچى دۆلەتلەرگە چېگرادىن قوغلاپ چىقىرىشنى چەكلەيدىغان فېدېراتسىيە قارارىغا خىلاپ» دېدى.
بۇ چېگرادىن قوغلاپ چىقىرىش ھەرىكىتى، بوستوندىكى بىر سوت مەھكىمىسىنىڭ، كۆچمەنلەرنى قىيىن-قىستاق ياكى زۇلۇمغا ئۇچراش خەۋپىنى مۇھاكىمە قىلىش پۇرسىتى بەرمەستىن، بولۇپمۇ جەنۇبىي سۇداندەك ئىنسانپەرۋەرلىك كىرىزىسى يۈز بېرىۋاتقان جايلارغا ئەۋەتىلىشىنى توسىدىغان جىددىي ھالەت قارارىغا خىلاپتەك قىلىدۇ.
