ئىران پارلامېنتى دۆلەت بىخەتەرلىك ۋە تاشقى سىياسەت كومىتېتىنىڭ رەئىسى ئىبراھىم ئازىزى، ئۇكرائىنانىڭ ھازار دېڭىزىدا ئىران پاراخوتىغا قىلغان ھۇجۇمىغا قارىتا: «ئۇكرائىنا پات يېقىندا ئىراننىڭ ھېچبىر جىنايەتنى جاۋابسىز قالدۇرمايدىغانلىقىنى چۈشىنىپ يېتىشى مۇمكىن» دەپ ئاگاھلاندۇرۇش بەردى.
ئىبراھىم ئازىزى، X ئىجتىمائىي تاراتقۇ سۇپىسىدا ئۇكرائىنا ھەققىدە بايانات ئېلان قىلدى.
ئىرانغا قارىتىلغان ھۇجۇملارنىڭ ھەر ۋاقىت بىر بەدىلى بارلىقىنى تەكىتلىگەن ئازىزى، ئامېرىكا بىلەن ئىسرائىلىيەنىڭ بۇ ۋەزىيەتنى ئوبدان بىلىدىغانلىقىنى ئېيتىپ: «ئۇكرائىنا پات يېقىندا ئىراننىڭ ھېچبىر قىلمىشنى جاۋابسىز قالدۇرمايدىغانلىقىنى چۈشىنىپ يېتىشى مۇمكىن» دېدى.
ئازىزى يەنە ئۇكرائىناغا قايتا ئىشارەت قىلىپ: «خاتا ھېسابات قىلغۇچىلارنىڭ تىزىملىكى بارغانسېرى ئۇزارماقتا» دېگەن سۆزلەرنى ئىشلەتتى.
ئۇكرائىنا دۆلەت رەئىسى ۋولودىمىر زېلېنسكىي، ھەپتە ئاخىرىدا ھازار دېڭىزىدا ئىرانغا تەۋە ھەربىي بويۇم توشۇيدىغان پاراخوتلار بىلەن بىر ئۇرۇش پاراخوتىنىڭ ئۇزۇن مۇساپىلىق باشقۇرۇلىدىغان بومبىلار بىلەن نىشانغا ئېلىنغانلىقىنى جاكارلىغان ئىدى. ئىران تاشقى ئىشلار مىنىستىرلىقى بۇ ھۇجۇمنى ئەيىبلىگەن ئىدى.
ئۇكرائىنانىڭ تېھراندىكى ۋاقىتلىق ئىشلار ۋەكىلى، بۇ مەسىلىگە چېتىشلىق ھالدا ئىران تاشقى ئىشلار مىنىستىرلىقىغا چاقىرتىلغان ئىدى.
