ئامېرىكا پۇتبولچىلىقىدا «Seahawks» چېمپىيونلۇق لوڭقىسىنى قولغا كەلتۈردى

«Seattle Seahawks» كوماندىسى «Super Bowl» ھەل قىلغۇچ مۇسابىقىسىدە «New England Patriots» كوماندىسىنى 29 گە قارشى 13 نەتىجە بىلەن مەغلۇپ قىلىپ، كۇلۇب تارىخىدىكى ئىككىنچى «Lombardi» لوڭقىسىغا ئېرىشتى. سىئاتىلنىڭ غەلىبىسىدە كۈچلۈك مۇداپىئە ئىقتىدارى ۋە جېيسون مىيېرسنىڭ بەش قېتىملىق مەيدان توپى (field goal) بىلەن ياراتقان «Super Bowl» رېكورتى ھەل قىلغۇچ رول ئوينىدى.

«Seahawks»نىڭ ھۇجۇم تەشكىللىگۈچىسى سام دارنولد «چوڭ مۇسابىقىلەردە غايىب بولىدۇ» دېگەن قالپاقنى چۆرۈپ تاشلاپ، كەسپىي ھاياتىنىڭ ئەڭ يۇقىرى نۇقتىسىغا يەتتى. «Patriots» تەرەپتە بولسا، ھۇجۇم تەشكىللىگۈچى درېيك ماينىڭ ئالتە قېتىم يىقىتىلىشى ۋە ئىككى قېتىم توپىنى ئالدۇرۇپ قويۇشى نەتىجە پەرقىنىڭ ئېچىلىشىغا سەۋەب بولدى.

دەسلەپكى ئۈچ چارەكتە «touchdown» كۆرۈلمىگەن مۇسابىقە، ئاخىرقى چارەكتە ئىنتايىن ھاياجانلىق تۈس ئالدى. كېننېت ۋالكېر 135 يارد يۈگۈرۈش نەتىجىسى بىلەن مۇسابىقىنىڭ ئەڭ قىممەتلىك ماھىرى  بولۇپ تاللاندى. بۇ زور پائالىيەت كالىفورنىيەدىكى «Levi's Stadium»دا ئۆتكۈزۈلدى. بۇ نەتىجە بىلەن سىئاتىل 2015-يىلى «Patriots»قا ئۇتتۇرۇپ قويغان مۇسابىقىنىڭ ئۆچىنى ئالغان بولدى.

خاركىۋ رايونىدىمۇ بىر ئايال ۋە بىر بالىنىڭ جەسىتى تېپىلغان بولۇپ، ئۈچ كىشى يارىلانغان. رۇسىيە تىنچلىق سۆھبەتلىرىگە قاتنىشىۋاتقان بولسىمۇ، ئۇكرائىنانى بومباردىمان قىلىشنى داۋاملاشتۇرماقتا. ۋاشىنگتون ئۇرۇشنىڭ يىل ئوتتۇرىسىغىچە ئاخىرلىشىشىنى تەلەپ قىلماقتا، ئەمما، كىيېۋ بىلەن موسكۋا زېمىن مەسىلىسىدە ھېلىھەم بىرلىككە كېلەلمەيۋاتماقتا.