ئۇكرائىنا رۇسىيە ئارمىيەسىنىڭ بۇ كېچىدە دۆلەتنىڭ ئوخشىمىغان رايونلىرىنى 17 باشقۇرۇلىدىغان بومبا ۋە 202 قوراللىق ئۇچقۇچىسىز ھاۋا ئاپپاراتى بىلەن نىشانلىغانلىقىنى بىلدۈردى.
ئۇكرائىنا ئارمىيەسى ھاۋا قىسىملىرى قوماندانلىقى تەرىپىدىن ئېلان قىلىنغان يازما باياناتتا، رۇسىيەنىڭ بۇ كېچىدە دۆلەتنىڭ ھەر قايسى رايونلىرىغا ھاۋا ھۇجۇمى ئېلىپ بارغانلىقى ئىپادىلەندى.
رۇسىيە ئارمىيەسىنىڭ ئۇكرائىناغا 17 باشقۇرۇلىدىغان بومبا ۋە 202 قوراللىق ئۇچقۇچىسىز ھاۋا ئاپپاراتى ئاتقانلىقى يەتكۈزۈلگەن باياناتتا، ھاۋا مۇداپىئە كۈچلىرى تەرىپىدىن 174 قوراللىق ئۇچقۇچىسىز ھاۋا ئاپپاراتىنىڭ يوقىتىلغانلىقى بىلدۈرۈلدى.
خاركىۋ رايونلۇق ھەربىي ئىدارىسىنىڭ باشلىقى ئولېگ سىنېگۇبوۋمۇ ئىجتىمائىي ئالاقە ھېساباتىدا ئېلان قىلغان باياناتىدا، رۇسىيە ئارمىيەسىنىڭ خاركىۋ شەھىرىگە قىلغان ھۇجۇمىدا 2 كىشىنىڭ ئۆلگەنلىكىنى، 21 كىشىنىڭ يارىلانغانلىقىنى ئەسكەرتتى.
ئۇكرائىنا دۆلەتلىك جىددىي ۋەزىيەت مۇلازىمىتى ئىدارىسىنىڭ (DSNS) ئىجتىمائىي ئالاقە ھېساباتىدا ئېلان قىلىنغان باياناتتا بولسا، رۇسىيەنىڭ ئودېسسا شەھىرىگە قىلغان ھۇجۇملىرىدا 8 كىشىنىڭ يارىلانغانلىقى ئۇقتۇرۇلدى.
