ئىچكى ئىشلار مىنىستىرلىقى پەلەستىن ئىسلامىي قارشىلىق كۆرسىتىش ھەرىكىتى — ھاماسنىڭ ئىسرائىلىيە بىلەن ھەمكارلاشقانلىقى ۋە ئىنسانپەرۋەرلىك ياردەملىرىنى تالان-تاراج قىلىش بىلەن ئەيىبلىنىۋاتقان غەززەدىكى بىر شايكا باشلىقىغا تەسلىم بولۇشى ئۈچۈن 10 كۈن مۆھلەت بەرگەنلىكىنى ئېلان قىلدى.

باياناتتا، چارشەنبە كۈنى «ئىنقىلابىي سوت» تەرىپىدىن چىقىرىلغان بۇ قارارنىڭ، ھاماسنىڭ ھۆكۈمرانلىقىنى ئىنكار قىلىدىغان، ياخشى قوراللانغان بىر بەدەۋىي شايكىنىڭ باشلىقى ياسىر ئەبۇ شەباب بىلەن مۇناسىۋەتلىك ئىكەنلىكى قەيت قىلىندى.

ئەبۇ شەباب ھازىر ئىسرائىلىيەنىڭ ھەربىي كونتروللۇقىدىكى غەززەنىڭ جەنۇبىدىكى رەفاھ رايونىدا دەپ پەرەز قىلىنماقتا.

سوت مەھكىمىسى پەلەستىنلىكلەرنى ئەبۇ شەبابنىڭ تۇرۇشلۇق ئورنىنى ھاماس خەۋپسىزلىك قىسىملىرىغا مەلۇم قىلىشقا چاقىردى.

ئەبۇ شەباب گۇرۇھى تەسلىم بولۇش بۇيرۇقىغا قارىتا ئاشكارا ھالدا ھېچقانداق ئىنكاس قايتۇرمىدى.

ھاماس ئەبۇ شەبابنى بىرلەشكەن دۆلەتلەر تەشكىلاتى (ب د ت)نىڭ ياردەم ئاپتوموبىل ئەترىتىنى تالان-تاراج قىلىش بىلەن ئەيىبلەپ، ئۇنىڭ ئىسرائىلىيە تەرىپىدىن قوللاپ-قۇۋۋەتلىنىۋاتقانلىقىنى ئىلگىرى سۈردى.

مەلۇماتلارغا قارىغاندا، بۇ ھاماس ئەڭ سەرخىل جەڭچىلىرىنى ئەبۇ شەبابنى يوقىتىشقا ئورۇنلاشتۇرغان.

گەرچە ئىسرائىلىيە غەززەدە ھاماسقا قارشى بەزى گۇرۇھلارنى قوللايدىغانلىقىنى ئېتىراپ قىلغان بولسىمۇ، ئەمما قايسى گۇرۇھلارنى قوللايدىغانلىقىنى ئەسكەرتمىدى.