ئامېرىكا جەنۇبىي قۇماندانلىق ئىشتابى شەرقىي تىنچ ئوكياندا «زەھەرلىك چېكىملىك ئەتكەسچىلىكى» گە قارشى ئېلىپ بېرىلغان بىر ھاۋا ھۇجۇمىدا زەھەرلىك چېكىملىك ئەتكەسچىلىكى بىلەن چېتىشلىقى بار بىر پاراخوتنىڭ نىشان قىلىنغانلىقىنى ۋە ھۇجۇم نەتىجىسىدە ئۈچ كىشىنىڭ ئۆلگەنلىكىنى جاكارلىدى.
ئامېرىكا جەنۇبىي قۇماندانلىق ئىشتابى ئاممىۋى ئورتاقلىشىش تور بېتى X سەھىپىسىدە ئېلان قىلغان باياناتىدا، مەزكۇر ھەرىكەتنىڭ جەنۇبىي قۇماندانلىق ئىشتابىنىڭ قۇماندانى لېيتېنانت گېنېرال فىرانسىس L. دونوفاننىڭ كۆرسەتمىسىگە ئاساسەن 26-ئاپرېلدا ئېلىپ بېرىلغانلىقى ئەسكەرتىلىپ مۇنداق دېيىلدى:
«<جەنۇبىي نەيزە بىرلەشمە ۋەزىپە ئۆتەش ئەترىتى> تېررورلۇق تەشكىلاتلىرىنىڭ بىر پاراخوتىغا ئەجەللىك زەربە بەردى.
ئىستىخبارات مەلۇماتلىرى مەزكۇر پاراخوتنىڭ مەلۇم زەھەرلىك چېكىملىك ئەتكەسچىلىكى لىنىيەلىرى بويىچە ھەرىكەت قىلغانلىقىنى ۋە <زەھەرلىك چېكىملىك ئەتكەسچىلىكى پائالىيەتلىرىگە قاتناشقانلىقى> نى ئىسپاتلاپ بەردى.
ھەرىكەت جەريانىدا ئۈچ نەپەر زەھەرلىك چېكىملىك تېررورچىسى ئۆلتۈرۈلدى. ھەرىكەت جەريانىدا ھېچقانداق ئامېرىكا ھەربىي خادىمى زىيانغا ئۇچرىمىدى.»
ھۇجۇم قىلىنغان ئېنىق ئورۇن، ۋەقەگە چېتىشلىق كىشىلەرنىڭ كىملىكى ياكى نىشان قىلىنغان پاراخوتنىڭ تىپىغا ئائىت باشقا تەپسىلىي مەلۇمات بېرىلمىدى.
