ئامېرىكا قوشما ئىشتاتلىرى پىرېزىدېنتى دونالد ترامپ ھورمۇز بوغۇزىدا ئىرانغا قاراتقان ئامېرىكا دېڭىز قورشاۋىنىڭ قايتىدىن يولغا قويۇلغانلىقىنى ۋە بوغۇزدىن ئۆتكەن بارلىق يۈكلەردىن %20 ئۆتۈش ھەققى ئېلىنىدىغانلىقىنى ئېلان قىلدى.
دونالد ترامپ ئاممىۋى ئورتاقلىشىش تور بېتى X سەھىپىسىدە ئېلان قىلغان باياناتىدا: «ھورمۇز بوغۇزى ئوچۇقتۇر، ئىران بولسۇن ياكى بولمىسۇن ئوچۇق پېتى قالىدۇ» دېدى.
پەقەت ئىران پاراخوتلىرى بىلەن ئىران نامىدىن پائالىيەت ئېلىپ بېرىۋاتقان خېرىدارلارنىڭ بوغۇزغا كىرىش-چىقىشىنىلا توسۇۋاتقانلىقىنى تەكىتلىگەن ترامپ، بۇ بەلگىلىمىنىڭ «ئىران قورشاۋى» دېگەن نام بىلەن يولغا قويۇلغانلىقىنى قەيت قىلدى.
ترامپ باشقا بارلىق دۆلەتلەرنىڭ ھورمۇز بوغۇزىنى ئادىل ۋە ئوچۇق-ئاشكارا ھالدا ئىشلىتەلەيدىغانلىقىنى بىلدۈرۈپ: «ئامېرىكا قوشما ئىشتاتلىرى بۇنىڭدىن كېيىن <ھورمۇز بوغۇزىنىڭ قوغدىغۇچىسى> دەپ ئاتىلىدۇ» دېدى.
رايوندا بىخەتەرلىكنىڭ كاپالەتكە ئىگە قىلىنىش چىقىمى ھەققىدە توختالغان ترامپ: «دۇنيانىڭ ئىنتايىن مۇقىم بولمىغان بۇ رايونىدا بىخەتەرلىك ۋە خەۋپسىزلىكنى كاپالەتكە ئىگە قىلىش ئۈچۈن كېرەكلىك بولغان بارلىق چىقىملار دائىرىسىدە، بوغۇزدىن ئۆتىدىغان بارلىق يۈكلەردىن %20 ئۆتۈش ھەققى ئېلىنىدۇ» دېدى.
ترامپ بۇ بەلگىلىمىنىڭ دەرھال يولغا قويۇلىدىغانلىقىنى ئۇقتۇردى.
ئىران تاشقى ئىشلار مىنىستىرى ئابباس ئاراقچى بولسا ئامېرىكا قوشما ئىشتاتلىرى پىرېزىدېنتى دونالد ترامپنىڭ ھورمۇز بوغۇزىدىن ئۆتكەن بارلىق يۈكلەردىن %20 ئۆتۈش ھەققى ئېلىش توغرىسىدىكى باياناتىغا مەسخىرىلىك جاۋاب قايتۇردى.
ئابباس ئاراقچى ئاممىۋى ئورتاقلىشىش تور بېتى X سەھىپىسىدە ئېلان قىلغان باياناتىدا: «ئامېرىكا پىرېزىدېنتى قەتئىي ھەقلىق. ھورمۇز بوغۇزىدىن سودا پاراخوتلىرىنىڭ بىخەتەر ۋە تىنچ - ئامان ئۆتۈشىگە كىم كاپالەتلىك قىلىۋاتقان بولسا، بۇ خىزمەتنىڭ بەدىلىنى چوقۇم ئېلىشى كېرەك» دېدى.
ئاراقچى بولسا ترامپنىڭ باياناتىنى مەسخىرە قىلىپ: مۇنداق دېدى:
«ھورمۇز بوغۇزىنىڭ قوغدىغۇچىسى ئىران، بۇ ئەبەدىي شۇنداق بولىدۇ. % 20 ئەلۋەتتە بەك كۆپ. بىز ئادىل بولىمىز.»
