دائىرىلەر ۋەقە يۈز بەرگەن ئورۇنغا كۆپ ساندا ساقچى ئەۋەتتى، پۇقرالارنىڭ رايوندىن ئايرىلىپ، جىددىي قۇتقۇزۇش ئەترەتلىرىنىڭ بۇيرۇقلىرىغا بويسۇنۇشى تەلەپ قىلىندى.
گېرمانىيە تاراتقۇلىرىنىڭ ساقچىلارنى مەنبە قىلىپ بەرگەن خەۋەرلىرىگە قارىغاندا، بېرلىننىڭ مەركىزىدە ئۆتكۈزۈلگەن بىر يۇرۇش يىغىلىشى ئەسناسىدا بىر ئاپتوموبىلنىڭ ئاممىنىڭ ئارىسىغا بېسىپ كىرىشى نەتىجىسىدە بىر كىشى ھاياتىدىن ئايرىلىپ، 10 دىن ئارتۇق كىشى يارىلانغان.
ۋەقە، شۇ يەرنىڭ ۋاقتى تەخمىنەن سائەت 22:00 دە تېئەرگارتېن رايونىدىكى يۈرۈش جەريانىدا يۈز بەردى.
«BILD» گېزىتى، شاھىتلارنى مەنبە قىلىپ بەرگەن خەۋىرىدە، ئاق رەڭلىك بىر مىنىبۇسنىڭ يۇقىرى سۈرئەتتە ئاممىنىڭ ئارىسىغا بېسىپ كىرگەنلىكىنى بىلدۈردى.
ۋەقەدىن كېيىن جىددىي ئالاقە مەركىزىدە كۆپ ساندىكى يارالانغۇچىلار ئېلىپ كېلىندى ۋە ۋەقەلەرگە قارىتا ئاگاھلاندۇرۇش بېرىلدى. ئوت ئۆچۈرۈش ئىدارىسى باياناتچىسى، ۋەقە يۈز بەرگەن ئورۇنغا 44 جىددىي قۇتقۇزۇش خادىمىنىڭ ئەۋەتىلگەنلىكىنى ئېلان قىلدى.
رايونغا كۆپ ساندىكى ساقچىمۇ ئەۋەتىلگەن بولۇپ، دائىرىلەر پۇقرالاردىن پائالىيەت مەيدانىدىن ئايرىلىشىنى ۋە جىددىي قۇتقۇزۇش ئەترەتلىرىنىڭ بۇيرۇقلىرىغا بويسۇنۇشنى تەلەپ قىلدى.
ئاپتوموبىل شوپۇرىغا ۋە ۋەقەنىڭ سەۋەبىگە ئائىت باشقا تەپسىلاتلار تېخى ئاشكارىلانمىدى.
