CTV News نىڭ خەۋىرىگە قارىغاندا، كانادا ساقچى تەرەپ، غەربىي شىمالىي تېررىتورىيەس رايونىدا ئورمان ئوت ئاپەتلىرىنى ئۆچۈرۈش خىزمەتلىرىگە ياردەم بېرىۋاتقان ئايروپىلاننىڭ چۈشۈپ كەتكەنلىكىنى، بۇنىڭ نەتىجىسىدە ھايات قالغانلارنىڭ يوقلۇقىنى، ئايروپىلاندىكى 3 كىشىنىڭ ھاياتىدىن ئايرىلغانلىقىنى ئۇقتۇرغان. شۇنداقلا ۋەقەدە قازا قىلغانلارنىڭ ئائىلە-تاۋابىئاتلىرىغا تەزىيە بىلدۈرگەن.
مەزكۇر رايوندا 23-ئىيۇن كۈنى يۈز بەرگەن ئورمان ئوت ئاپىتى تەخمىنەن 100 گېكتارلىق يەرگە تەسىر كۆرسەتكەن ئىدى. تېخىچە كونترول ئاستىغا ئېلىنالمىغان ئوت ئاپىتىنىڭ تەبىئىي سەۋەبلەر تۈپەيلىدىن كېلىپ چىققانلىقى مۆلچەرلەنمەكتە.
