سەئۇدى ئەرەبىستان تاشقى ئىشلار مىنىستىرلىقى تەرىپىدىن ئېلان قىلىنغان ئۇچۇرغا ئاساسلانغاندا، ئامېرىكا بىلەن سەئۇدى ئەرەبىستان كالىفورنىيەدىكى فورت ئىرۋىن (Fort Irwin) ھەربىي بازىسىدا بىرلەشمە ھەربىي مانېۋىر باشلىغان.
مىنىستىرلىقنىڭ چارشەنبە كۈنى كەچتە ئېلان قىلغان باياناتىدا، «Quincy-1» ناملىق بىرلەشمە مانېۋىرنىڭ «ھەرىكەت تەييارلىقىنى ئاشۇرۇش، تەجرىبە-ساۋاق ئالماشتۇرۇشنى كاپالەتلەندۈرۈش ۋە ھەرخىل جەڭ مۇھىتىدا بىرلەشمە ھەرىكەت ئېلىپ بېرىش جەھەتتىكى ئۆزئارا ماسلىشىشنى كۈچەيتىش» نى مەقسەت قىلىدىغانلىقى بىلدۈرۈلدى.
مىنىستىرلىق مانېۋىرنىڭ داۋاملىشىش ۋاقتى ياكى قاتناشقان خادىملارنىڭ سانى ھەققىدە ھېچقانداق مەلۇمات بەرمىدى.
فورت ئىرۋىن (Fort Irwin) دۆلەتلىك مەشىق مەركىزى ئامېرىكا ئارمىيەسى ئۈچۈن مۇھىم بىر مەشىق مەيدانى بولۇپ، كالىفورنىيەنىڭ موخاۋې (Mojave) قۇملۇقىدىكى تەخمىنەن 3108 كىۋادرات كىلومېتىرلىق يەرنى ئۆز ئىچىگە ئالىدۇ.
