جەنۇبىي كورېيە سوت مەھكىمىسى، ئاجرىشىش دېلوسى ئاخىرلاشقان سودا سانائەتچى چوي تەۋوننىڭ سابىق ئايالى رو سوياڭغا تەخمىنەن 644 مىليون دوللار تۆلەم تۆلە جازاسى بەردى.
يۇنخاپ (Yonhap) ئاگېنتلىقىنىڭ خەۋىرىگە ئاساسلانغاندا، جەنۇبىي كورېيەدە «ئەسىرنىڭ ئاجرىشىش دېلوسى» دەپ تەرىپلىنگەن، ئالدىنقى پىرېزىدېنت رو تەۋۇنىڭ بىردىن بىر قىزى رو سوياڭ بىلەن دۆلەتنىڭ ئىككىنچى چوڭ سودا گۇرۇھى SK Group نىڭ باش رەئىسى چوي تەۋون ئوتتۇرىسىدىكى ئاجرىشىش دېلوسىدا سوت مەھكىمىسى ئۆز قارارىنى ئېلان قىلدى.
سوت مەھكىمىسىچوينىڭ 1988-يىلى ئائىلە قۇرغان ۋە 3 پەرزەنتى بولغان سابىق ئايالى روغا، مۈلۈك تەقسىماتى دائىرىسىدە تەخمىنەن 644 مىليون دوللار تۆلەشكە ھۆكۈم قىلدى.
چوينىڭ 2015-يىلى نىكاھتىن سىرتقى مۇناسىۋىتىدىن بىر پەرزەنتى بارلىقى ئوتتۇرىغا چىققاندىن كېيىن، ئەر-خوتۇن ئىككەيلەن ئاجرىشىش باشقۇچىغا قەدەم قويغان ئىدى.
ئايالى چوينىڭ 25 يىلدىن ئارتۇق ۋاقىتتىن بىرى باش رەئىسلىكىنى قىلىۋاتقان SK Group تىكى ھەسسىلىرىنىڭ يېرىمىنى تەلەپ قىلغان ئىدى.
چوي سوت مەھكىمىسىنىڭ 2024-يىلى مايدا ھۆكۈم قىلغان 1 مىليارد دوللارلىق تۆلەم قارارىغا ئېتىراز بىلدۈرۈپ ئالىي سوتقا ئەرز سۇنغان ئىدى، ئالىي سوت مەھكىمىسى بولسا چوينى ھەقلىق دەپ بىلىپ قارارنى بىكار قىلغان ئىدى.
