ئەسىرلەر ئاخبارات ئىشخانىسىنىڭ بىلدۈرۈشىچە، قويۇپ بېرىلگەن ئەسىرلەرنى ئېلىپ ماڭغان ئاپتوبۇسلار ئىشغال ئاستىدىكى ئىيوردان دەرياسىنىڭ غەربىي قىرغىقى ۋە غەززەگە قاراپ يولغا چىققان.
ئەسىرلەر ئاخبارات ئىشخانىسى دۈشەنبە كۈنى ئېلان قىلغان باياناتىدا، قويۇپ بېرىلگەن ئەسىرلەرنى ئېلىپ ماڭغان ئاپتوبۇسلارنىڭ راماللانىڭ غەربىدىكى ئوفېر تۈرمىسىدىن ئىشغال ئاستىدىكى ئىيوردان دەرياسىنىڭ غەربىي قىرغىقىدىكى بەيتۇنىيە يېزىسىغا قاراپ ماڭغانلىقىنى بىلدۈردى.
ئىشخانا يەنە، قويۇپ بېرىلگەن ئەسىرلەرنى ئېلىپ ماڭغان ئاپتوبۇسلارنىڭ ئىسرائىلىيەنىڭ جەنۇبىدىكى نېگېۋ تۈرمىسىدىن غەززەگە قاراپ يولغا چىققانلىقىنى ئۇقتۇردى.
ئەسىرلەرنىڭ قويۇپ بېرىلىشى پەلەستىن قارشىلىق كۆرسىتىش ھەرىكىتى (ھاماس) نىڭ غەززە ئۇرۇش توختىتىش كېلىشىمىنىڭ بىرىنچى باسقۇچى دائىرىسىدە 20 نەپەر ئىسرائىلىيەلىك تۇتقۇننى تاپشۇرۇپ بېرىشىدىن كېيىن ئەمەلگە ئاشۇرۇلدى.
