تۈرلۈك مەدەنىيەتلەرنىڭ كۈلتۈر مىراسلىرىغا ساھىبخانلىق قىلىۋاتقان ئانتالياغا 2024-يىلى 1 مىليونغا يېقىن يەرلىك ۋە چەت ئەللىك ساياھەتچى كېلىپ، مۇزېيلار ۋە قەدىمكى شەھەر خارابىلىرىنى زىيارەت قىلدى.
50 مىڭدىن ئارتۇق تارىخىي يادىكارلىق قويۇلغان ئانتاليا ئارخېئولوگىيە مۇزېيى 180 مىڭدىن ئارتۇق زىيارەتچىنى كۈتۈۋېلىپ، 2024-يىلى شەھەردىكى ئەڭ كۆپ زىيارەت قىلىنغان مۇزېي بولدى. مەۋلەۋىخانە مۇزېيى، ئاتاتۈرك ئۆيى مۇزېيى ۋە مۇقەددەس نىكولاس خاتىرە مۇزېيىمۇ كۆپ زىيارەت قىلىنغان مۇزېيلار قاتارىدىن ئورۇن ئالدى.
مۇزېيلارغا كەلگۈچىلەر سانىنىڭ كۆپىيىشىدە، ئۆتكەن يىلى يولغا قويۇلغان كېچىلىك مۇزېي پائالىيىتى مۇھىم رول ئوينىدى. تۈركىيە جۇمھۇرىيىتى مەدەنىيەت ۋە ساياھەت مىنىستىرلىقى يەنە كەمەر ناھىيەسىگە ئاقدېڭىز سۇ ئاستى ئارخېئولوگىيە مۇزېيىنى قۇرۇشنى پىلانلاۋاتقان بولۇپ، مۇزېينىڭ قۇرۇلۇش خىزمىتى بۇ يىل ئىچىدە باشلىنىدۇ.
