11-ئۆكتەبىردە كۈچكە ئىگە بولغان ئۇرۇش توختىتىش كېلىشىمىدىن بۇيان، ئىسرائىلىيە ئارمىيەسى ئۇرۇش توختىتىشقا خىلاپلىق قىلىشنى داۋاملاشتۇرۇش بىلەن بىرگە، رايونغا قاراتقان زۇلۇملىرىنىمۇ داۋاملاشتۇرماقتا.
ئىسرائىلىيە كۈچلىرى غەززەنىڭ شەرقىي جەنۇبىدىكى زەيتۇن مەھەللىسىدە پەلەستىنلىكلەرنىڭ ئۆيلىرىنى چېقىشنى داۋاملاشتۇرۇش بىلەن بىرگە، جەنۇبتىكى خان يۇنۇس شەھىرىگىمۇ ھاۋادىن قاتتىق ھۇجۇملارنى قىلماقتا.
WAFA خەۋەر ئاگېنتلىقىنىڭ خەۋىرىگە قارىغاندا، ئىشغالىيەتچى ئارمىيە شەھەرنىڭ شەرقىنى كۈچلۈك ئوقققا تۇتۇۋاتقان بىر پەيتتە، ھەر خىل تىپتىكى ئۇچقۇچىسىز ئايروپىلانلار شەھەرنىڭ غەربىي قىسمىدا ئۇچۇشلىرىنى داچاملاشتۇرماقتا.
ئىسرائىلىيە ئۇرۇش ئايروپىلانلىرى يەنە خان يۇنۇسنىڭ شىمالىي ۋە شەرقىي رايونلىرىغا ھاۋادىن قاتتىق ھۇجۇملارنى قىلدى، ئىسرائىلىيە ئارمىيەسىنىڭ توپچى قىسىملىرى بولسا شەھەرنىڭ شەرقىي شىمالىدىكى زاننا رايونىنى بىر نەچچە قېتىم توپقا تۇتتى.
چېقىش ھەرىكەتلىرى كۆپىنچە ھاللاردا «سېرىق سىزىق» نىڭ سىرتىدىكى ئىسرائىلىيە كۈچلىرى ئىشغال قىلغان زېمىنلاردا يۈز بەرمەكتە.
«سېرىق سىزىق» 10-ئۆكتەبىردە كۈچكە ئىگە بولغان ئۇرۇش توختىتىش كېلىشىمى دائىرىسىدە ئىسرائىلىيە كۈچلىرىنىڭ چېكىنىپ چىققان رايونىنى كۆرسىتىدۇ. بۇ سىزىق غەززەدىن ئۆتۈپ، پەلەستىننى ئىككىگە ئايرىيدىغان فىزىكىلىق بولمىغان بىر چېگرا سىزىقىدۇر.
بۇ رايوندا قازا قىلغانلارنىڭ سانى 241 گە يەتتى، 619 كىشى يارىلاندى ۋە 528 جەسەت چىقىرىلدى. بۇنىڭ بىلەن غەززەدە 2023-يىلى 7-ئۆكتەبىردە باشلانغان توقۇنۇشلاردا قازا قىلغانلارنىڭ ئومۇمىي سانى 69 مىڭ 176 گە، يارىلانغانلارنىڭ سانى 170 مىڭ 690 گە يەتتى.
