تۈركىيە تاشقى ئىشلار مىنىستىرلىقىدىن ئېلان قىلىنغان باياناتتا: «ئامېرىكا قوشما ئىشتاتلىرىنىڭ سۈرىيەنى تېررورلۇقنى قوللايدىغان دۆلەتلەر تىزىملىكىدىن چىقىرىۋېتىش قارارىنى خۇشاللىق بىلەن قارشى ئالىمىز» دېيىلدى.
تۈركىيەنىڭ ئۇزۇن مۇددەتتىن بېرى بۇ قەدەمنى قوللاپ كەلگەنلىكى تەكىتلەنگەن باياناتتا، ئامېرىكا قوشما ئىشتاتلىرىنىڭ بۇ قارارى بىلەن بىرگە، سۈرىيەنىڭ ئىقتىسادىي جەھەتتىن ئەسلىگە كېلىشى ۋە قايتىدىن قۇرۇپ چىقىلىشىنىڭئالدىدىكى ئەڭ چوڭ توسالغۇلارنىڭ بىرىنىڭ يوق قىلىنغانلىقى قەيت قىلىندى.
بۇ قارارنىڭ سۈرىيەنىڭ خەلقئارا جەمئىيەت بىلەن بولغان رىشتىسىنى كۈچەيتىش ۋە دۆلەتتە بىخەتەرلىك بىلەن مۇقىملىقنى مەڭگۈلۈك ئورنىتىشقا قارىتىلغان تىرىشچانلىقلارنى تېزلىتىدىغانلىقىغا ئىشىنىلىدىغانلىقى بىلدۈرۈلگەن باياناتتا يەنە: «بۇ مەزگىلدە خەلقئارا جەمئىيەتنىڭمۇ تىرىشچانلىقلىرىنى تەرەققىي قىلغان بىر سۈرىيە نىشانى بويىچە بىرلەشتۈرۈشىنى ۋە بۇ تەسەۋۋۇرنى خەۋپكە ئىتتىرىدىغان تاجاۋۇزچىلىق ھەرىكەتلىرىنىڭ ئاخىرلىشىشى ئۈچۈن ئۈستىگە چۈشكەن مەسئۇلىيەتلەرنى ئادا قىلىشىنى چاقىرىق قىلىمىز» دېگەن ئىبارىلەر ئورۇن ئالدى.
ئامېرىكا قوشما ئىشتاتلىرى مالىيە مىنىستىرلىقى، تۈنۈگۈن سۈرىيەنىڭ 1979-يىلى كىرگۈزۈلگەن «تېررورلۇقنى قوللايدىغان دۆلەتلەر» تىزىملىكىدىن رەسمىي چىقىرىۋېتىلگەنلىكىنى ئېلان قىلغان ئىدى.
