رۇسىيە مۇداپىئە مىنىستىرلىقى، ئۇكرائىنا بىلەن تۈزۈلگەن 32 سائەتلىك ئۇرۇش توختىتىشنىڭ تۈركىيە ۋاقتى سائەت 16:00 دىن باشلاپ يولغا قويۇلغانلىقىنى ئېلان قىلدى.
رۇسىيە پىرېزىدېنتى ۋىلادىمىر پۇتىن ئۇكرائىنا بىلەن «پاسكا» (Paskalya) ئۇرۇش توختىتىشى ئېلان قىلىپ، بۇنىڭ 11-ئاپرېلدىن 12-ئاپرېلنىڭ ئاخىرىغىچە كۈچكە ئىگە بولىدىغانلىقىنى جاكارلىدى.
پۇتىن ئۇكرائىنانىڭ ھەر قانداق بىر ئىغۋاگەرچىلىك بولغان تەقدىردە موسكۋانىڭ زەربە بېرىدىغانلىقى ھەققىدىمۇ ئاگاھلاندۇرۇش بەردى.
ئۇرۇش توختىتىش شەنبە كۈنى يولغا قويۇلۇشتىن بىر قانچە سائەت ئىلگىرى، ئۇكرائىنا پىرېزىدېنتى ۋولودىمىر زېلېنسكىي كىيېۋنىڭ مەزكۇر تەشەببۇسقا قاتنىشىدىغانلىقىنى ۋە «ئوخشاش شەكىلدە» ھەرىكەت قىلىدىغانلىقىنى ئېيتتى.
زېلېنسكىي تېلېگرامما سۇپسىدا ئېلان قىلغان باياناتىدا: «ئۇكرائىنا تىنچلىق ھالىتىگە ئەمەل قىلىدۇ ۋە پۈتۈنلەي ئوخشاش شەكىلدە ھەرىكەت قىلىدۇ. رۇسىيەدىن ھاۋا، قۇرۇقلۇق ۋە دېڭىزدا ھۇجۇم كەلمەسلىكى، بىزنىڭمۇ جاۋاب قايتۇرماسلىقىمىزنى بىلدۈرىدۇ» دېدى.
زېلېنسكىي ئۇكرائىنا ئارمىيەسىنىڭ سېپىدە يۈز بېرىشى مۇمكىن بولغان ھەر قانداق ئۆزگىرىشكە تەييار ئىكەنلىكىنى بىلدۈردى.
ئۇ يەنە: «ئۇكرائىنا رۇسىيەگە كۆپ قېتىم تۈرلۈك ئۇرۇش توختىتىش فورمىلالىرىنى تەشەببۇس قىلدى ۋە پاسكا بايرىمىنىڭ سۈكۈت ۋە بىخەتەرلىك ۋاقتى بولۇشى كېرەكلىكىگە ئىشىنىمىز. پاسكاغا ئاتالغان بىر ئۇرۇش توختىتىش، تىنچلىق يۆنىلىشىدىكى ھەقىقىي بىر ئىلگىرىلەشمۇ باشلىشى مۇمكىن، بىز بۇنىڭغا مۇناسىۋەتلىك تەكلىپىنى سۇندۇق» دېدى.
زېلېنسكىي ئۇرۇش توختىتىش جەريانىدا ئۇكرائىنا قىسىملىرىنىڭ قوللىنىدىغان تەرتىپلىرىنى دۆلەتنىڭ ھەربىي رەھبەرلىك قاتلىمى بىلەن مۇزاكىرە قىلغانلىقىنىمۇ قەيت قىلدى.
ئۇ: «ھەرىكەتلىرىمىزنىڭ ئۆزئارا باراۋەرلىك ئاساسىدا بولىدىغانلىقى ۋە ئۇرۇش توختىتىشنى پاسكا بايرىمىدىن كېيىنگە ئۇزارتىشنىڭمۇ مۇمكىن ئىكەنلىكى ھەققىدىكى ئۇچۇر رۇسىيە تەرەپكە يەتكۈزۈلدى» دېدى.
