ۋولودىمىر زېلېنسكىي «ئۇكرائىنا – شەرقىي جەنۇبىي ياۋروپا باشلىقلار يىغىنى» غا قاتنىشىش ئۈچۈن دۆلىتىدە زىيارەتتە بولۇۋاتقان ياۋروپا ئىتتىپاقى كومىتېتى رەئىسى ئۇرسۇلا فون دېر لېيېن بىلەن بىرلىكتە مۇخبىرلارنى كۈتۈۋېلىش يىغىنى ئۆتكۈزدى.
2022-يىلى فېۋرالدا رۇسىيە – ئۇكرائىنا ئۇرۇشى باشلانغاندىن بۇيان دۆلىتىگە قىلغان ياردەملىرى ئۈچۈن ياۋروپا ئىتتىپاقىغا رەھمەت ئېيتقان زېلېنسكىي، سىياسىي ۋە مۇداپىئە ساھەسىدىكى ياردەملەرنىڭ ئۆزلىرى ئۈچۈن ناھايىتى زور ئەھمىيەتكە ئىگە ئىكەنلىكىنى بىلدۈردى.
دۆلىتىنىڭ ياۋروپا ئىتتىپاقى بىلەن بىرلىشىش مۇساپىسى توغرىسىدىمۇ توختالغان زېلېنسكىي: «بۈگۈن ياۋروپادىكى ھەممەيلەن ئوخشاش پىكىردە. بىز ياۋروپا ئىتتىپاقىنىڭ تولۇق ئەزاسى بولۇشقا مۇناسىپمىز» دېدى.
زېلېنسكىي ياۋروپا ئىتتىپاقىنىڭ رۇسىيەگە قاراتقان 21-نۆۋەتلىك ئېمبارگو پىلانىنى تەستىقلىشىنى كۈتۈۋاتقانلىقلىرىنى تىلغا ئېلىپ: «ئورتاق بېسىم ئارقىلىق، ياۋروپا ۋە ئامېرىكا قوشما ئىشتاتلىرى بىلەن بولغان ھەمكارلىقىمىز سايىسىدا، خەلقىمىزنىڭ تىرىشچانلىقى بىلەن چوقۇم تىنچلىققا ئېرىشىدىغانلىقىمىزغا چىن دىلىمدىن ئىشىنىمەن. بىز بىرلىكتە، بىرلەشكەن ۋە كۈچلۈك بىر ياۋروپادا تىنچلىق ئىچىدە ياشايمىز» دېدى.
