ئىسرائىلىيە ئارمىيەسى غەززەنىڭ رەفاھ شەھىرىگە 15-ئاۋغۇستتا قىلغان ھۇجۇملىرىدا تەل ئەس-سۇلتان مەھەللىسىدە 6 نەپەر ئىسرائىلىيەلىك ئەسىر ئۆلگەن ۋەقە ھەققىدىكى تەكشۈرۈش نەتىجىلىرىگە دائىر بايانات ئېلان قىلدى.
باياناتتا، رايوندا ھەربىي ھەرىكەت ئېلىپ بارغان ئىسرائىلىيە ئەسكەرلىرىنىڭ ئېھتىياتچان ھەرىكەت قىلغان بولسىمۇ، ئەسىرلەرنىڭ ئۆلۈمىگە بىۋاسىتە سەۋەبچى بولغانلىقى ئېتىراپ قىلىندى.
ئىسرائىلىيەلىك ئائىلىلەر بولسا، تەكشۈرۈش نەتىجىلىرىگە نارازىلىق بىلدۈردى.
ئىسرائىلىيەلىك ئەسىرلەرنىڭ ۋە يوقالغانلارنىڭ ئائىلىلىرى مۇنبىرى تەرىپىدىن ئېلان قىلىنغان باياناتتا، تەكشۈرۈش نەتىجىلىرىنىڭ «كىشىنى چۆچۈتىدىغان ۋە يۈرەكنى پۇچۇلايدىغان دەرىجىدە» ئىكەنلىكى بىلدۈرۈلدى.
تەكشۈرۈشتە، ئەسىرلەرنىڭ ئۆلۈمىگە ھەربىي بېسىمنىڭ سەۋەب بولغانلىقىنىڭ يەنە بىر قېتىم ئىسپاتلانغانلىقى تەكىتلەندى.
ئىسرائىلىيە ئارمىيەسى سېنتەبىردە (2024) رەفاھتىكى بىر تونېلدا 6 نەپەر ئىسرائىلىيەلىك ئەسىرنىڭ جەسىتىنى تاپقانلىقىنى جاكارلىغان، پەلەستىن قارشىلىق كۆرسىتىش ھەرىكىتى ھاماس ئەسىرلەرنىڭ ئىسرائىلىيە ئارمىيەسى تەرىپىدىن ئۆلتۈرۈلگەنلىكىنى ئېلان قىلغان ئىدى.
